حمدِ باری تعالیٰ – مصباح العرفان

تری ذات پاک ہے اے خدا

تری شان جل جلالہ

ترا نام ہے مالکِ دوسرا

تری شان جل جلالہ

سبحان جل جلالہ سبحانہ سبحانہ

ہر جن و بشر کا ہے یہ وردِ زباں

ہر نخل سے ناگاہ یہ عیاں

پتّہ پتّہ ہے یہ گا رہا

تری شان جل جلالہ

سبحان جل جلالہ سبحانہ سبحانہ

کروں ذکر میں لا الٰہ اللہ

پڑھوں دل سے محمد رسول اللہ

یہی وردِ زباں ہے ہو رہا

تری شان جل جلالہ

سبحان جل جلالہ سبحانہ سبحانہ

ہے تُو مالکِ کون و مکاں

ہے تُو خالقِ دونوں جہاں

ہے تُو خالقِ ارض و سما

تری شان جل جلالہ

سبحان جل جلالہ سبحانہ سبحانہ

تُو ہی سمیع و بصیر ہے

تُو ہی علیم و حکیم ہے

ہے تو غفور الرحیم بھی

تری شان جل جلالہ

سبحان جل جلالہ سبحانہ سبحانہ

ترا وصف ہو کب مجھ سے بیاں

تری ذات عالی ہے کریم

عرش فرش ہے یہ سب ترا

تری شان جل جلالہ

سبحان جل جلالہ سبحانہ سبحانہ

عاؔجز کی ہے یہ التجا

کبھی رنج و غم میں نہ ہو مبتلا

ہوں مشکلیں آساں مری

تری شان جل جلالہ

سبحان جل جلالہ سبحانہ سبحانہ

کلام: حضرت سیّد احمد حسین گیلانیؒ  (محبوبِ ذات)