اللہ ظاہر وچ شان محمدی اے
آیا پہن لباس محمدی اے
گھونگھٹ میم دا جس نوں آکھدے نے
ایہو رب دا بھیس محمدی اے
فَثَمَّ وَجْهُ الله ویکھو قرآن اندر
چہرہ یار دا حسنِ محمدی اے
پردے میم دے وچ اوہو ہویا باطن
ظاہر شکل مشہود محمدی اے
اول عین سے عین میں عین ظاہر
باطن عین دا عین محمدی اے
نور اول تے آخر ہے عین اس دا
ظاہر باطن وچ نور محمدی اے
بھیس عاجز تونگر وچ کون ظاہر
آپے آپ جناب محمدی اے
کوئی تبصرے نہیں:
ایک تبصرہ شائع کریں
اپنی رائے دیجئے