Poetry by Hazrat Mehboob-e-Zaat (1898 – 1961) (غوث الاعظم محبوب ربانا)

غوث الاعظم محبوب ربانا رب دا خاص ولی ہے

لکھیا نام عرش پر اس دا حرفوں قلم جلی ہے

ولیاں دا سرتاج بنایا عالی رتبے والا

غوثاں دا اوہ غوث سدایا خاص اولادِ علی ہے

محبوبِ خدا دے رتبے والا عالی شاناں والا

چوراں نوں چا قطب بناوے واہ کیا شان ملی ہے

دین اسلام نوں زندہ کیتا محی الدین سدایا

ڈبی بیڑی پار کریندا پل وجہ اوہ ولی ہے

نبی سرور نوں کندھا دتا وچ معراج پہنچایا

اچا شان ہویا اس پاروں خاص حدیث نبی ہے

میراں میراں میں کُر لاواں رب دیاں ویکھ رضاواں

ایدھر پائیں پھیرا سایاں رب دا خاص ولی ہے

عملاں والے تر تر جاندے اوگن ہار کھڑی ہے

بیڑا پار ہووے ہن عاؔجز رب سے آس ملی ہے