بسم اللہ پڑھ کلم اٹھاواں اتے وصف لکھاں میں پیر دی
خلقت دے وچ روشن ہو گئی ایہہ تاثیر میرے پیر دی
جس شئے وَل مَیں نظر اٹھاواں تے اوہ مونہوں بول سناوے
دیکھ لئی ہے سب نے مل کر تاثیر میرے پیر دی
روشن ہوئی خلقت اس تھیں تے ایسا ہے اوہ ماہِ لقا
رہیا اندھیرا نہ دنیا اندر ایہہ تاثیر میرے پیر دی
دیکھ دیکھ کے سب تَر نکلے جنہاں ایمان ہمیشہ
پیر میرے دے مکھڑے وَلوں اے تاثیر میرے پیر دی
تے باہجوں مرشد ہتھ نہ آوے ایہہ رستہ دین اسلام سیّو
ایتھے اوتھے دوہیں جہانیں ہے تاثیر میرے پیر دی
عملاں باہجوں کم نہیں بن دا بھاویں ہو کیڈا دلیر سیّو
پیر میرا ہے اندر باہر دیکھو کیا شان ہے میرے پیر دی
زمزاں لِکھ لِکھ کے دَسّے رستہ، تے ہووے فضل الٰہی
فیض ہر تھاں جاری اُس دا ایہہ تاثیر میرے پیر دی
وچ منڈیراں ہے ڈیرا لایا تے ہے اوچن چوداں دا
پاک ہوندے عاصی سارے اے تاثیر میرے پیر دی
میراں جی دا علَم سے ہتھ وچ تے قطب زمانے آیا
باہوں پھڑ پھڑ پار کریندا واہ تاثیر میرے پیر دی
پہاڑاں دے ول میں جد ویکھاں تے وچ دریاواں جاواں
جتھے کتھے میں ویکھاں اودھرے دِسدی تصویر میرے پیر دی
جنگل ڈھونڈاں بیلا ڈھونڈاں تے پاواں اوسے تائیں
ایہہ عاجز رب دے کدے نہ خالی بِن تاثیر میرے پیر دی
کوئی تبصرے نہیں:
ایک تبصرہ شائع کریں
اپنی رائے دیجئے