تیرا سُکھ وَسّے دربار منڈیراں والڑیا
مرشد دوراں‘ رہبر کامل حضرت سیّد افضال احمد حسین شاہ صاحب گیلانی قدس سرہٗ العزیز کی چشمِ اوّل‘ دکھی دلوں کے سہارے، درگاہ محبوبِ ذات کے تابندہ ستارے، گلشن سادات کے شجر سایہ دار، پھل پُھل دار‘ حضرت سیّد مبارک علی شاہ صاحب گیلانی اور میرے پیارے آقا کی چشمِ ثانی‘ حضرت سیّد شاہ کمال گیلانی سرکار نے "ملفوظاتِ محبوبِ ذات" کی دوبارہ اشاعت کے لئے جب ہماری ڈیوٹی لگائی تو سر چکرا گیا کہ اتنی بڑی ذمہ داری کیسے نبھائی جائے گی۔ "من آنم کہ من دانم" والا معاملہ تھا۔ اپنی کم علمی اور کم مائیگی پیش نظر تھی۔ لیکن پاسِ ادب بھی ملحوظِ خاطر تھا۔
بہر حال آپ شہزادگانِ عالی مرتبت دامت برکاتہم العالیہ کی دعاؤں اور تعاون سے دوسرا ایڈیشن آپ کے ہاتھوں میں ہے۔ قارئینِ محترم کی نظر میں اس کتاب کی اشاعت و کتابت میں جو غلطی اور کوتاہی پائی جائے اس کے لئے ہم پیشگی معذرت خواہ ہیں اور اس کتاب کے بین السطور میں میرے اور آپ کے آقا و مولیٰ حضرت سیّد افضال احمد حسین شاہ صاحب گیلانی قدس سرہٗ العزیز نے جو نورانیت بھری ہے، محبت کے جو دبوستان کھلائے ہیں اور حکمت و معرفت کے جو موتی بکھیرے ہیں‘ ان کو اپنے دامن میں سمیٹ کر فلاحِ دارین حاصل کیجئے۔ "ملفوظاتِ محبوبِ ذات" کا کمال یہ ہے کہ آپ اس کتاب کا جتنی مرتبہ بھی مطالعہکریں گے نئی سے نئی شان ظاہر ہو گی‘ نئے جلوے ہوں گے‘ نئی لذت ملے گی اور ہر بات کے نئے سے نئے معانی آپ پر القا ہوں گے اور بے ساختہ آپ کی روح پکار اٹھے گی۔
تیرا سکھ وسے دربار منڈیراں والڑیا
تیرا وسدا روے گھر بار منڈیراں والڑیا
خاک در مہربان
خلیفہ محمد سعید مرزا قادری کمالیہ
حافظ محمد اسلم قادری
کوئی تبصرے نہیں:
ایک تبصرہ شائع کریں
اپنی رائے دیجئے